Kurset universitare mund të jenë të shtrenjta , veçanërisht ato në universitetet më të mira private. Mirëpo lajm i mirë në lidhje me këtë vie nga Coursera. Partnerët e Coursera.org me universitetet prestigjoze nga e gjithë bota ofrojnë kurse online FALAS . Qëllimi i Coursera.org është që të ofrojë edukim të mirë dhe jo të kushtueshëm për miliona njerëz në të gjithë botën. Deri tani , mbi 1 milion njerëz janë regjistruar për ndjekjen e kurseve në lëmitë nga më të ndryshmet si ato te shkencave shoqërore, muzikë, biznes, mjekësi, shkenca kompjuterike dhe matematikë . Për momentin në dispozicion janë mbi 100 kurse në 17 kategori të ndryshme . Disa nga universitetet pjesëmarrëse janë Stanford University , Duka , Universiteti i Edinburgut , dhe Princeton etj. Në të ardhmen pritet që vijuesit e këtyre kurseve të marrin edhe dëshmi me shkrim të cilat do të njihen në mbarë botën. Nga ana tjetër ligjëruesve universitar u jepet mundësi unike për të mësuar një klasë që përbëhet nga njerëzit në të gjithë botën në të njëjtën kohë! Presim me padurim zhvillimet në këtë drejtim!